行政長官會同行政會議日前批准電車加價申請，並將於7月11日(星期一)正式生效。成人票價會由現時$2.6加至$3.0，小童及長者票價則分別提高至$1.5及$1.3，月票售價則會調整至$260。整體車費調整後仍然比專營巴士以及港鐵便宜一大截。
當局指，電車自上一次2018年調整票價後持續面對其他交通工具競爭，加上疫情打擊令乘客量下跌，故此批准加價以改善電車公司財務狀況及服務可持續性。事實上，電車公司於疫情期間並未有大幅調整班次，近年亦一直著力改善電車服務及乘客體驗。對比起某營運商多次加價後仍不斷削減服務，兩者經營態度可謂大相逕庭。
電車除咗係唔少港島居民嘅日常代步工具，亦係唔少遊客眼中香港嘅象徵之一，見證香港一個多世紀以嚟嘅發展。希望各位街坊日後繼續多加支持電車，令呢個全球唯一全數使用雙層電車車隊嘅百年老字號可以繼續陪伴一代又一代嘅香港人成長。
#可能係最多香港人贊成加價嘅交通工具
