NBA再公佈一系列重新設計的獎座，包括常規賽MVP、最佳防守球員及新人王等。常規賽MVP以Michael命名，用以表揚五奪常規賽MVP的他，不過獎座雖暗藏細節，但由外表來看，很難立即想起MJ，我第一眼會以為是奧斯卡獎座；而歷來贏得最多常規賽MVP的亦非MJ，而係湖人傳奇中鋒Kareem Abdul-Jabbar。
其他重新返計的包括以Wilt Chamberlain命名的最佳新人、Hakeem Olajuwon命名的最佳防守球員、John Havlicek命名的最佳第六人、George Mikan命名的最有進步球員，全部都由Kia贊助，所以一次過公佈。呢堆獎座亦有同一問題，例如張伯倫的最佳新人手持兩個籃球，不明所以；奧拉祖雲封波最勁，但獎座就係張開手防守，全部都毫不神似。
今次亦有新設獎項，就係以Jerry West命名的最關鍵球員獎（Clutch Award）。Jerry West有關鍵先生的稱號，本身已經係NBA logo的藍圖，今次獎項亦以他命名，認真威威；此獎由教練選出，並由傳媒投票，以表揚在關鍵時刻有最佳表現的球員，都算有新意，不過常規賽最關鍵又不代表甚麼，如果贏完個獎好似Jerry West咁慘，咁就真係寧願唔要了。
