珍寶海鮮舫遇風浪 於南海沉沒 集團指極難打撈

珍寶海鮮舫遇風浪 於南海沉沒 集團指極難打撈

珍寶海鮮舫上星期二啟航離港,惟不足一周便傳出壞消息。香港仔飲食集團今日(20 日)晚上公布,珍寶海鮮舫在上周六下午行駛至南海西沙群島附近水域時,遇上風浪,船身入水開始傾側。負責航程的拖船公司嘗試救援後不果,海鮮舫最終在星期日全面入水翻轉。事件中未有任何船員受傷。

集團指,由於事發地點水深超過 1000 米, 打撈工程非常困難,集團對海鮮舫的意外感到難過不捨,現正向拖船公司進一步了解事故詳情。

根據規定要求,珍寶海鮮舫離港前已聘請專業海事工程人員詳細檢查船身及加上圍板,並得到一切所需批文進行今次航行。


喺上星期二,充滿港人集體回憶嘅珍寶海鮮舫就啟航離港,正當大家都以為可以後會有期嘅時候,命運往往就係充滿意外。有超過40年歷史嘅珍寶海鮮舫行駛至南海西沙群島附近水域時,就因為遇上風浪而船身入水傾側,最終沉沒南海。

已停業2年幾嘅珍寶海鮮舫,本身一直都打算轉手活化,但奈何最終都係冇「白武士」出手而需要到外地物色船塢泊位。負責航程嘅拖船公司就表示,由於事發地點水深超過1000米,就算要進行打撈工作都真係相當困難,咁意味住港人真係同珍寶海鮮舫永遠告別喇!提起珍寶海鮮舫,對阿史同唔少史友嚟講唔單止係一個中外遊客都鍾意去嘅景點,更加係盛載住唔少回憶嘅地方。

當年星爺嘅《食神》正正响那裡取景,今後大家就只能在電影裡回憶了。痛!

發佈留言

發佈留言必須填寫的電子郵件地址不會公開。